Subscribe by Email

Oscar word komende Dinsdag gevonnis

 

Gerrie-Nel

Regter Thokozile Masipa sal Oscar Pistorius komende Dinsdag vonnis

Die staatsaanklaer  Adv. Gerrie Nel het in die Noord-Gautengse Hooggeregshof in Pretoria gevra dat Oscar Pistorius ‘n langtermyn vonnis van minstens tien jaar tronkstraf opgelê word.

Nel sê die atleet is nie ‘n slagoffer nie en dat hy skuldig is aan ernstige nalatigheid.  As hy ‘n waarskuwingskoot elders geskiet het, was dit ‘n ander saak, maar daar was nie so ‘n skoot nie.

Nel het gesê die sameleweing vereis dat Pistorius tronkstraf kry.  Hy moet ook ongeskik verklaar word om ‘n vuurwapen te besit.

Daarteenoor het Adv. Barry Roux SC, vir Pistorius, Vrydagoggend aan die einde van sy betoog gesê die hof moet ernstig ‘n gemeenskapsgegronde vonnis en die herstellende geregtigheid wat dit meebring, vir Pistorius oorweeg.