Lennit Max afgedank deur Zille, moes hy plek maak vir de Lille?

Die Wes-Kaapse minister van gemeenskapsveiligheid, Lennit Max het nie vanoggend vir werk aangemeld nie. Dit volg ná berigte dat hy deur die premier, Helen Zille afgedank is om deur die OD-leier, Patricia de Lille vervang te word.

Werknemers in Max se kantoor sê hy is nie daar nie. Zille het intussen ‘n nuuskonferensie vir vanmiddag belê. Die provinsiale regering wou tot dusver niks in verband met die berigte bevestig nie.

Zille reageer nie op telefoonoproepe of sms-boodskappe nie en Max is ook nie vir kommentaar beskikbaar nie.

Die ANC se leier van gemeenskapsveiligheid, Lynne Brown se dit is “skokkend”. omdat Zille so min as omtrent ‘n jaar gelede aangekondig het dat die kabinet in die Wes-Kaap ‘n gesonde kabinet is.

Short URL: http://www.koerant.co.za/?p=1454